Pormal nang ipinahayag ang pagbubukas ng mga Jubilee Churches sa ating Diyosesis bilang bahagi ng pagdiriwang ng Taon ng Jubileo. Ang dekretong ito, na inilabas sa ilalim ng awtoridad ng Lubhang Kagalang-galang Reynaldo G. Evangelista, Obispo ng Imus, ay nagtalaga ng 20 piling simbahan sa loob ng Diyosesis bilang mga sagradong lugar para sa peregrinasyon, pagninilay, at pagtanggap ng plenary indulgences.  

Ibinahagi ang dekretong ito sa Sambayanan noong ika-31 ng Disyembre 2024 sa kani-kanilang mga Parokya at Dambana. Ginawa ito sa harap ng mga relihiyoso, layko, at mga mananampalataya, bilang hudyat ng pagsisimula ng biyaya at pananampalatayang paglalakbay para sa buong pamayanang pang-Diyosesis.  

Nawa'y ang mga Jubilee Churches na ito ay maging bukal ng pag-asa at espirituwal na pagbabagong-buhay para sa lahat ng naghahangad ng walang hanggang awa at pag-ibig ng Diyos. 

#Jubilee2025 #DioceseOfImus #PilgrimsOfHope #LakbayPagAsa